lupa

Bermeon euskaraz

Albisteak

ZINEA EUSKARAZ

2019-04-10

Asteburu honetan euskarazko "Soinujolearen semea" pelikula ikusteko aukera egongo da Nestor Basterretxea aretoan. Ordutegiak:

Zapatua: 19:30 eta 22:00

Domeka: 19:30

Astelehena: 19:00 eta 21:30

 

Bernardo Atxagak idatzitako eleberririk ezagunenetakoa da Soinujolearen semea. Harrera oso ona izan eban antzerkian be.

Apirilaren 12an estreinatuko da filma, Euskal Herriko eta Espainiako zinema aretoetan.

Fernando Bernuesek zuzendu dau, eta aktoreak, besteak beste, Aitor Beltran, Iñaki Rikarte, Cristian Merchan, Bingen Elortza, Joseba Apaolaza, Mireia Gabilondo, Miren Arrieta Eneko Sagardoi dira.

Adiskidetasunari, traizioari eta indarkeriari buruzko istorio hunkigarria da eta protagonisten hiru garai desberdinetan oinarritzen da: haurtzaroa, 20 urteko gaztetasuna eta 50 urte inguruko garaia, Euskal Herrian bizi izandako historia aztertzeko. Izan ere, bi lagun horien arteko adiskidetasuna oinarri hartuta Euskal Herriko gertuko historiari errepasoa egiten dio filmak. Umetako lagunak diren Davidek eta Josebak zortzi urte dituztela hasten da pelikula. Francoren diktaduraren azken urteetan, ETAko militanteak izan ziren biak. Davidek Euskal Herritik ihes egin behar izan zuen 70eko hamarkadaren erdialdean, traidoretzat hartu zuen bere jendearen gaitzespena ikustean. Kalifornian zorionaldia aurkitu arren, bere lehenaldiak zama bat izaten jarraitzen du oraindik, 25 urtez isiltasuna gorde ostean, berriz elkartuko dira bi lagunak, Kalifornian, egiari aurre egiteko. 

Gaztelaniara bikoiztuta dago, baina Soinujolearen semearen jatorrizko bertsioa euskaraz da, istorioa ematen den testuingururako aukera zentzuzkoena baitzen. “Pertsonaia gehienak Obabakoak izanda, guretzat planteamendu oso argia izan zen hasieratik”, azaldu du zuzendariak. Egoera batzuetan, pertsonaiaren batek gaztelaniaz egiten du, adibidez, emazte batek bere senarrari euskaraz galdetu eta senarrak gaztelaniaz erantzuten dionean, baina, Bernuesen hitzetan, “horrek ere agerian uzten du hizkuntza bat erabili edo ez erabiltzearen aldeko hautu politiko eta pertsonala”.

facebook
0
twitter
0

Idatzi zure iruzkina

Ondorengo eremuak bete. * dutenak derrigorrez bete behar dira.

© 2015 Bermeoko Euskara Saila
Gizarte eta Kultura Etxea.
Irakaskintza 14-16; 2.3 gela
48370 Bermeo (Bizkaia)
Tel.: 94 617 91 22
euskera@bermeo.eus

FacebookYoutube