|
auzoka / Demiku / Kandelarioko ermita
Kandelarioko ermita Kokapena: Demiku; VIII. mapa (B-2) Oharrak: Mundakako Andra Mariako elizbarrutikoa. Demikuko ermita hau, XIX. mendera arte, Justo eta Pastor santuen izenpekoa izan zen eta lehenago ermitaren etxea zen Justu baserriaren ondo-ondoan, bidearen beste aldean egon zen. Bere idatzizko lehen aipuak XVII. mendekoak dira; beraietan erakusten denez, Izaroko Madalenera, Gaztelugatxera eta Demikuko ermita honetara, Bermeoko udalak erromeriak egiten zituen inguruen jabetza aldarrikatzeko asmoz: «El dia del señor San Justo y Pastor que fue y es dia que la dha villa se suele yr en Romeria y a azer sus actos de posesion con los señores del cabildo y de dho regimiento y otros vezinos que concurrieron en la hermita de dhos San Justo y Pastor» [1193] XVIII. mende amaieratik aurrera, nabaria zen ermita honen egoera txarra. 1797an konponketak egin beharrean aurkitzen zen: «Texados y reposicion de la hermitta de San Justo y Pastor» [1194] 1819an, denbora luzez itxita egon ondoren, behera botatzea eskatzen da [1195]. «(...) que por su indecencia y estar amenazando ruina está hace tiempo cerrada» [1196] 1934ean, ermita berria zabaldu zen, bidearen beste aldean, lehengoa egon zen lekuaren aurrez aurre, oraingoan Garbikundeko Andra Mariaren izenpean, herriko esamoldean, «Kandelarioko ermita» geratu delarik. Ermita hau berreraikia izan da 1970ean [1197]. Ahozkoa:
Idatzizkoa:
__________ [1193] 1696. BUA. 1560. Libro de cuentas; 27. [1194] BUA. 1136. Libr. y recibos; 59b. [1195] Arregi Azpeitia, Gurutze (1987); 104. [1196] BUA. 1151/8. Permuta bienes S. Roque. [1197] Arregi Azpeitia, Gurutze (1987); 104. | ||||||||||||||||||||||||||||||||||||||||||
|
