Mungiarrenegoiko   (baserria)

Kokapena: Mañu; VII. mapa (C-2)

Ohar ling.: Mungiarrenegoiko izenaz aparte (Ik. Mañuko Mungiarrene baserria) Laubidietagoiko, Mutillandiene eta Josemariene izenez ere ezaguna da.

Azken biek, Mutillandiene eta Josemariene izenek, -i- bokal itxi palatalaren ostean sortzen den epentesia erakusten dute hiatoa apurtzeko, bokal paragogikodun genitibo markaren aurrean dagoen -a bokal irekiaren aurrean. Bokal irekia aurreko bokal itxiak asimilatu egin du, eta gradu batean itxi du.

'Mutil (h)andia' + -ne > Mutillandidxane > Mutillandidxene

'Jose Maria' + -ne > Josemaridxane > Josemaridxene

'Mutil' osagaiko bokal itxiak albokarian bustidura eragin du eta -l- > -ll- bilakatu du.

Jose Maria antroponimoan, hitz hasieran dagoen gaztelaniako /x/ fonema egokitu egin da, eta belare ahoskabeak ordezkatu du. Ik. Josene, Demiku auzoan; edo Atakueta, San Migel auzoan.

Josemaridxene > Kosemaridxene

Oharrak: XIX. mendearen erdialdean Francisco Telletxeak eraikia. XX. mendean, Azpitarte familiakoen jabetzakoa agertzen da etxea.

Ahozkoa:

«Mugídxarrenegoikò»	140
«Kosemáridxene»	143
«Mutillándidxene»	126, 136, 139, 140, 145
«Mutillándidxenekoa»	130
«Mutíllandidxenè»	136, 139, 143, 144, 164
«Laubidìta goikué»	143

Idatzizkoa:

1845	Munguiarrena de arriba, cas.	BEHA   A-78/4-1
1857	Muguiarragacoa, cas.	BUA   Padron 1851(3)   92
1860	Muguiarra Goycoa, cas.	BUA   5. Rotul. de calles
1897-98	Muguiarra-goicoa, cas.	BUA   10. Nomencl.1897-98
1910-923	Munguiarrena goicoa, cas.	BUA   866;1435;404. Riqu. rus.
1921	Laubidieta goicoa ó Munguiarra goicoa, cas.	GJE   fk:2171   L28;215
1922	Muguiarragoicoa, cas.	BFA. E. KZ.   C/2
1934	Munguiarrena Goicoa, cas.	BFA. E. KZ.   C/76
1938	Muñarnegoicoa, cas.	BUA   685. Fich. sanit.