7.j. Pagoetako erreka

Kokapena: Artika; X. mapa (B-4)

Ohar ling.: 'Pago' + -eta. Disimilazioz, erdikoa zen bokala itxi egin da, eta leku-atzizkiko -e galdu egin da, bokalez bukatutako oinarriei lotzen zaienean gertatzen den moduan.

Pago > Pagueta > Paguta

Erreka generikoak artikulua har dezake. Ik. Sare Hidrografiko atalean Gazdizerreka.

Oharrak: Zabalbideko eta Iturriko errekako urak hartzen ditu Urkisarri baserriaren ekialdean. Beherago, Urkisarriko erreka esaten zaio.

Ahozkoa:

«Pagùtako errékie»	091
«Pagoko errékie»	091

Iturriko erreka

Ohar ling.: Ahozko aldaerak, -i- bokal itxiak -t- herskari ahoskabean eragindako bustiduraren ondorioz eratutakoak dira:

Iturriko erreka > Itxurriko erreka

Ostean, asimilazioz, hitz hasierako i- > u- bihurtu da:

Itxurriko erreka > Utzurriko erreka

Erreka generikoak artikulua har dezake. Ik. Sare Hidrografiko atalean Gazdizerreka.

Oharrak: Urkisarri baserriaren hegoaldetik jaisten da, eta laburrean, Zabalbideko errekarekin bilduaz Urkisarriko etxe aurrean, Pagoetako erreka eratzen du. Beherago Urkisarriko erreka deitzen zaio.

Ahozkoa:

«Itxurriko errékie»	091
«Utzurrìko errékie»	090

Zabalbideko erreka

Ohar ling.: Erreka generikoak artikulua har dezake. Ik. Sare Hidrografiko atalean Gazdizerreka.

Oharrak: Sanjuanbasotik jaisten diren urak hartzen ditu. Beherago, Iturriko errekarekin elkartuz, Pagoetakoa eratzen da. Nafarrolaerdikoren parean, Urkisarriko erreka deitzen zaio.

Ahozkoa:

«Sabalbìdeko errékie»

091