|
auzoka / Maņu / Andiriminieta (baserria)
Andiriminieta (baserria) Kokapena: Mañu; VI. mapa (C-4) Ohar ling.: Izen honek agerian uzten du, garai batean Zubiaur auzoan dagoen izen berbereko parajean egindako baserri batekiko lotura (Ik. Bakioko Zubiaur auzoko Andramarieta ingurua). 'Andue' + 'imini' + -eta. «Andui, andu, andue: Cepa, parte del tronco de cualquier árbol o planta que esta dentro de la tierra y unida a las raíces. Parece que la forma mejor documentada es 'andui', que puede muy bien venir de andue» [1275] Hitz elkartuaren lehenengo osagaia, andiri gauzatuta ageri da lehenengo agerraldietatik [1276]. Izan daiteke osagaiaren forma zaharragoa **andure [1277] izatea edo osagaiak fonema antihiatiko bat txertatuta izatea, kasu honetan, dardarkari bakuna. Hitz elkarketan, ondoan dauden bokalak diptongatu egin dira (-ei- > -i-): 'andure' + 'imini' + -eta > Anduriminieta Bokal asimilazioz, bokal itxi biak hurbildu egin dira: Anduriminieta > Andiriminieta. Gero, ematen du, bilakaera posible bi izan direla, oinarriko bigarren osagaia kontuan izanik: Batetik, bokal arteko -n- sudurkariaren galera (Ik. Aretximinieta Artika auzoan). Andiriminieta (Ik. Andrayminietta) > Andirimieta (Ik. Andramieta) Ordurako, idatziz jasotakoek erakusten duten moduan, lehenengo osagaia sinkopatuta dago (anduri > andiri > andri) eta horrek etimologia berria eragin du: Andramieta, Andramarieta. Bestetik, gaur egunera heldu dena. Andiriminieta > Andiriminita > Andriminta > Andraminta Leku-atzizkiko -e- bokala galdu egin da: -eta > -ta. Oinarria osatzen duten osagaiak sinkopatu egin dira: iminita > iminta eta andiri > andri. Ostean, herri etimologiagatik andra- bilakatu da. Gero, oinarriko bokal itxi palatalak leku-atzizkian eragina izan du: herskaria busti du, eta bokal irekia itxi du. Andraminta > Andramintxa > Andramintxe Azkenik, baserri berriek izenetan eta baserrien izen berrietan ageri den bokal paragogikodun genitibo marka erantsita izan dezake. Andramintxe > Andramintxene (Ik. Andraminquene) Oharrak: XIX. mendearen lehen zatian eraikia. 1845etik aurrera Aranburu familiakoen jabetzakoa izan da. Ez da nahastu behar baserri hau, Zubiaur auzoko beste Andramarieta baserriarekin. Ahozkoa:
Idatzizkoa:
__________ [1275] Azkue, R. Mª de (1969 [fakz. 1906]). Michelena, L. (1987-): Orotariko Euskal Hiztegia. Euskaltzaindia. Bilbao. [1276] Bakioko Zubiaur auzoko parajea: 1577-78, Andirimieta. BFA. K. 3174/6; 160-165b [1277] ** ikurrarekin, berreraiketa edo idatziz jaso gabea adierazi nahi da. | ||||||||||||||||||||||||||||||||||||||||||||||||||||
|
