Talaia   (parajea)

Kokapena: Arane; II. mapa (C-2)

Ohar ling.: Generikotasunari lotuta dagoenez, artikulua hartzen du. Hiatoan dauden bokalen artean, -i bokal itxi palatalaren ostean, hiatoa apurtzeko, epentesia txertatu da:

'Talaia' + -a > Talaiea > Talaidxea > Talaidxia > Talaidxie

Oharrak: Matxitxako lurmuturraren goialdean. XIX. mendean, Iradik azaltzen duenez, Matxitxakon Probintziak talaiari edo behatzaile bat mantentzen zuen hurbiltzen ziren itsasontziez informatzeko, baita arrantzaleei itsasaldiaren berri emateko ere [915]. Gaur eraikuntza bat dago behaketa zerbitzu horretarako. Ematen den idatzizko lehen datua, XVIII. mendean ere toki hau behaketarako erabiltzen zen lekukotasuna da. Bestalde, Talaiape baserriari Banderazpi deitzeak, Talaiako paraje hau «Bandera» edo «Banderas del Cabo» [916] ere deitzen zela adierazten du.

Ahozkoa:

«Taláidxie»	021, 023, 166
«Taláidxe»	146, 164

Idatzizkoa:

1795	Machachaco, talayero de	BUA   991/4. Recibos.   7
1869	Talaya	BUA   38/1. Leña   2b
1872	Atalaya, camino de la	BUA   38. Leña
1897	Atalayero, casa	BAHP.N.BL   8182   66b
1982	Talaijjie	BIBL   ErA.KTop   262

__________

[915]   Yradi, Juan Angel de (1844); 47.

[916]   1869. BUA. 1289/1. Venta de montes; o.s.