|
auzoka / Maņu / Jentillatxeta (parajea)
Jentillatxeta (parajea) Kokapena: Mañu; X. mapa (C-1) Ohar ling.: 'Jentil' + 'atx' + -eta. Agirietan atzizki gabeko aldaerak dira nagusi, ahoz, -eta leku-atzizkidunak baino ez badira jaso. Idatzizko datuei begiratuz gero, lehenengo agerraldiak, kontsonantez bukaturiko leku-izenetan gertatzen den moduan, -e paragogikoa erakusten du: Jentillatx + -e > Jentillatxe Bai idatziz eta bai ahoz, -i- bokal palatalak albokarian eragindako bustidura nabari daiteke. Ahozkoen artean, asimilazio prozesua jasan duen aldaeran 'jentil' osagaiaren erdiko bokala itxi egin da, eta ondoko bokal itxiarekin berdindu da. Dxentillatzeta > Dxintillatzeta Badago toponimoaren aldaera sinkopatua ere. Leku-atzizkiko erdiko bokala galdu egin da -eta > -ta bihurtuta. Ondorioz, txistukari afrikaria frikaritu egin da: Dxentillatxeta > Dxentillasta Oharrak: Landa baserrien hegoaldean, Bilborako errepidearen goitik. Jentillatxa (edo Jentillatxeta) esaten zaiona, harearrizko gailur bat da, inguruko materialak baino gogorragoa izanik, zutik mantendu dena. Haitz nagusitik askatutako neurri handiko harri puska ugari ikus daitezke paraje honetan eta, beharbada, hortik datorkio izena. XIX. mendearen amaierara arte, herri lurrak ziren bertakoak. Harlauzak ateratzeko harrobia aipatzen da 1854an: «cantera de sacar losas en el terreno de Gentillache» [1328] 1893an, desamortizazio bidez pribatizatuak izan ziren Jentillatxetako sailak [1329]. Ahozkoa:
Idatzizkoa:
__________ [1328] BUA. 39/3. Enajen. y conc. [1329] BFA. K. 2834/6; 989-996. | |||||||||||||||||||||||||||||||||||||||||||||||||||||||||||
|
