diru laguntzak

Gidabaimena euskaraz ateratzeko diru-laguntza 2025

Laguntzen dena: gidabaimena euskaraz prestatu eta azterketa euskaraz egitea.
Norentzat: gidabaimenaren azterketa teorikoa euskaraz egin duten herritarrentzat.
 

Deialdia : 

Laburpena: 2025ko maiatzaren 26ko 2025 000002952 zenbakidun Alkatetza Dekretuaren erabakia, Gidabaimena euskaraz prestatu eta ateratzeko Bermeoko biztanleentzako 2025. urterako dirulaguntzen deialdia onartzen eta zabaltzen duena. BDNS (Identif.): 838077.

 

Lehenengoa: ESKATZAILEAK: Bermeon erroldatuta egon eta B mailako gidabaimena ateratzeko azterketa teorikoa euskaraz egin eta gainditzen duten pertsonak.

 

Bigarrena: Diruz lagundu daitezkeen kontzeptuak honako hauek dira:

.- Gidabaimena prestatzeko azterketa teorikoa euskaraz egin eta gainditzea.

.- Baldintzak betetzen dituzten eskatzaileek 150 euroko dirulaguntza jasoko  dute.

Hirugarrena: Oinarri Arautzaileak. Deialdi hau Bermeoko Udalaren 2025eko aurrekontuetan jasota dago eta 2023ko maiatzaren 12an Bizkaiko Aldizkari Ofizialean argitaratu zen, 2023ko martxoaren 31ko Osoko Bilkurako 7. puntuan onartutako 2023-2025 Dirulaguntzen Plan Estrategikoaren barruan. Oinarri horiek, deialdi hau eta eredu normalizatuak Bermeoko Udalaren Webgunetik jaitsi ahal izango dira: — https://www.bermeo.eus/1304.html

Laugarrena: Zenbatekoa, guztira 300 euro, 01400-33540-4800102 aurrekontu-partidaren kontura.

Bosgarrena: Eskabideak aurkezteko epea hilabetekoa izango da, hain zuzen urrian.

Seigarrena: Balorazio irizpide zehatzak

• Bermeon erroldatuta egotea
• Gidabaimenaren atal teorikoa euskaraz prestatzea
• B mailako gidabaimenaren azterketa teorikoa euskaraz eginda eta gaindituta izatea eskaerak aurkezteko epea amaitu baino lehen
• Bermeoko Udalarekin, Ogasunarekin eta Gizarte Segurantzarekin zorrik ez izatea

 

Aurkezteko epea: 2025ko Urriak 01tik - 2025ko Urriak 31ra

Erakundea: Bermeoko Udala