diru laguntzak

Euskara ikasteko diru-laguntzak 2025

Laguntzen dena: euskara ikastaroak, urte osokoak, udakoak zein barnetegian egindakoak.
Norentzat: 16 urtetik gorako euskara ikasleentzat.
 

Deialdia: 

Laburpena: 2025ko maiatzaren 26ko 2025 000002951 zenbakidun Alkatetza Dekretuaren erabakia, Homologaturik dauden euskaltegi edota barnetegietan helduentzako euskalduntze eta alfabetatze ikastaroak egiten dituzten Bermeoko biztanleentzako 2025. urterako dirulaguntzen deialdia onartzen eta zabaltzen duena. BDNS (Identif.): 835492.

 

Lehenengoa: ESKATZAILEAK: Onuradun izango dira homologaturiko euskaltegi edo barnetegietan euskalduntze eta alfabetatze ikastaroak egiten ari diren pertsona fisikoak.

Dirulaguntza horietatik kanpo geratuko dira graduondoko, doktorego, master eta karrerarako ikastaroak. Halaber, ez dira diruz lagunduko Eusko Jaurlaritzako Hezkuntza Sailak arauturiko irakaskuntza (Hizkuntza Eskola Ofizialak, esaterako), ezta beste erakunde batek antolatutako ikastaroak ere, esaterako IRALE eta HAEEren bidezko ikastaroak.

 

Bigarrena: Diruz lagundu daitezkeen kontzeptuak honako hauek dira:

• Oinarrizko Errenta edo Gizarte Larrialdiko Laguntzak jasotzen dituzten eskatzaileentzat: gehienez, matrikularen % 70.
• Dirulaguntzaren xede den ikasturte osoan langabezian dauden langabetuentzat: gehienez, matrikularen % 60. Zati batean bada, modu proportzionalean aplikatuko da.
• Gainerako ikasleentzat: gehienez, matrikularen % 50

Ikasle bakoitzak, gehienez, 300 €-ko dirulaguntza jaso ahal izango du  ikastaro bakoitzeko.

Urtean zehar egin daitezkeen ikastaro guztiengatik ikasle bakoitzak, gehienez, 500 € jaso ahal izango ditu.

 

Hirugarrena: Oinarri Arautzaileak. Deialdi hau Bermeoko Udalaren 2025eko aurrekontuetan jasota dago eta 2023ko maiatzaren 12an Bizkaiko Aldizkari Ofizialean argitaratu zen, 2023ko martxoaren 31ko Osoko Bilkurako 7. puntuan onartutako 2023-2025 Dirulaguntzen Plan Estrategikoaren barruan. Oinarri horiek, deialdi hau eta eredu normalizatuak Bermeoko Udalaren Webgunetik jaitsi ahal izango dira: — https://www.bermeo.eus/1304.html

 

Laugarrena: Zenbatekoa, guztira 5.000 euro, 01400-33540-4810315 aurrekontu-partidaren kontura.

 

Bosgarrena: Eskabideak aurkezteko epea hilabetekoa izango da, hain zuzen urrian.

 

Seigarrena: Balorazio irizpide zehatzak:

• Bermeon erroldatuta egotea.
• Matrikula egiten den egunetik ikastaroa bukatzen denera arte emaniko orduen % 80 edo gorako asistentzia edukitzea. Nahitaezko betebeharrengatik ez joatea edo gaixotasun-bajak erakunde eskudunak justifikatu beharko ditu.
• Hasten den ikastaroa amaitzea. Ezin da urratsa edo euskaltegia aldatu erakunde eskudunaren baimenik izan gabe.
• Dirulaguntzaren emakida dakarren baldintzak betetzen direla egiaztatze aldera behar diren jarduketak  egiten baimentzea eta Bermeoko Udalak eskatzen dion informazio guztia ematea.
• Bermeoko Udalarekin zorrik ez izatea.

            

                      

Erakundea: Bermeoko Udala