lupa

Bermeon euskaraz

Albisteak

Euskara ikasi nahi duten guraso eta etorkinek ikastaroetan izena eman dezakete jada

2021-09-01

Izena emateko epea zabalik da irailaren 1etik 30era bitarte euskara ikasi gura duten gurasoentzat eta etorkinentzat.

Eskaerak Berhazen egin behar dira, egun eta ordu hauetan:

 

Astelehen, eguazten eta barikuetan, 8:00-15:00

Martitzen eta eguenetan, 8:00-14:00 eta 16:00-18:

Bermeon, 2021eko irailaren 7an.- Bermeoko Udalak, AEK eta Gotzon Garitaonaindia euskaltegiek urtero elkarlanean antolatzen dituzten guraso eta etorkinei zuzendutako euskara ikastaroetan izena emateko epea zabaldu dute irailaren 30era arte. Gainera, 2021-2022 ikasturteko matrikulazio kanpaina ere abian da dagoeneko.  Hala eman dute jakitera gaur goizean Bermeoko Euskera zinegotzi Kepa Zumetak, Euskara Saileko teknikari Maite Zaratek, AEK euskaltegiko irakasle Marimar Hernandezek, Gotzon Garitaonaindia euskaltegiko irakasle Nahia Martinezek eta Hizkuntza Eskolako irakasle Ibon Iturbek. Noski, ikastaro guztiak indarrean dauden osasun eta segurtasun guztiak beteko dituzte.

 

Familia bidezko transmisioa bermatzea eta euskara ikasteko erraztasunak ematea da ikastaroen helburua. Helburu hauek lortzeko, AEK euskaltegiak eta Bermeoko Udalak urteak daramatzate elkarlanean oso emaitza onak lortuz. Ikastaroek 120 orduko iraupena eta 20 euroko prezioa izango dute.

 

Gaur goizean aurkeztu den bigarren euskara ikastaroa etorkinei zuzendutakoa izan da. Ikastaro hau Bermeoko Udalaren eta Gotzon Garitaonaindia euskaltegiaren arteko elkarlanaren fruitua da eta bere helburu nagusia da etorkinei euskara ikasteko aukera ematea, integrazio errazago bat izan dezaten. Honek ere 120 orduko iraupena izango du baina merkeagoa izango da. Izan ere, 10 euroko prezioa izango du, ikas-materiala kontutan hartu gabe. Ikastaro honetan komunikatzeko oinarrizko gaitasuna lantzen da, HABE-k garatutako ‘Aisa’ metodologiaren bitartez.

 

Euskaltegi biek adierazi dutenez, bi ikastaroek emaitza oso onak izan dituzte aurreko urteetan. Hori da ikasleek adierazten dietena. Ikastaro hauetan izena emateko epea zabalik dago irailaren 30era arte.

 

Matrikula Udalaren Berhaz bulegoan egin behar da, ordutegi honen arabera: astelehen, eguazten eta barikuetan, 8:00-15:00 eta martitzen eta eguenetan 8:00-14:00 eta arratsaldez 16:00-18:00.

 

Matrikula egiteko beharrezkoak direnak eta eskuratu daitezkeen diru laguntzei buruzko informazioa jasoko dute euskaltegietara joaten direnek, izan ere, HABEk, Udalak eta Bizkaiko Foru Aldundiak diru laguntzak eskaintzen dituzte, ikasleek ordaintzen duten matrikula-gastuetan ahalik eta erraztasun handiena izan dezaten.

 

Matrikulazio kanpaina abian:

 

Gaur goizean parte hartu duten eta euskara ikastaroak eskaintzen dituzten hiru zentroek (Hizkuntza Eskola, AEK eta Gotzon Garitaonaindiak), 2021-2022 ikasturterako matrikulazio kanpainaren berri ere eman dute. Hiruen eskaintza oso zabala da eta ordutegiari dagokionez ere, aukera zabala dago.

 

argazkia

prentsaurrekoa. Oizmendi TB

facebook
0
twitter
0

Idatzi zure iruzkina

Ondorengo eremuak bete. * dutenak derrigorrez bete behar dira.

© 2015 Bermeoko Euskara Saila
Gizarte eta Kultura Etxea.
Irakaskintza 14-16; 2.3 gela
48370 Bermeo (Bizkaia)
Tel.: 94 617 91 22
euskera@bermeo.eus

FacebookYoutube