|
auzoka / Hirigunea / Portale / Taraska (iturria)
Taraska (iturria) Kokapena: Hiria; V. mapa (C-2) Oharrak: Portalen, San Frantzisko komentuaren aurrealdean. Lehenago, iturri hau errepidearen beste aldean egon zen, San Frantzisko kalearen ondoan dagoen zabalgunean. 1867an eginiko iturri honen harraska Ereñoko marmol gorriz egina da eta gaineko marmol zurizko pilarea, Markos Ordoizgoiti eskultore gasteiztarraren lana da. Azken hau, landare irudiz, girlandez eta lazoz apainduta dago. Eta honen gainean, garaipena irudikatzen duen burdinaz eginiko andrazko baten estatua dago, herriak Taraska esaten diona. 1919an, proiektu bat izan zen irudia Lamerara eramateko [590]. F. Sesmerok, leku-izen honen XVI. mendeko erreferentzia bat agertzen du: «Tarasca: paraje, fuente, junto al convento de San Francisco. 1598» [591]. Kontua da, izenak nahiko berria ematen duela. Azken aldian, batez ere gazteeen artean, Portaleko plazari ere «taraskako plasie» esaten zaio, eta erabilera horretan banaketa generazionala ikus daiteke. Ondorioz, aipatutako erreferentzia errakuntza dela ematen du.
Ahozkoa:
Idatzizkoa:
__________ [590] BUA. 36/4. Paseo del parque [591] Sesmero, Francisco (1971). | |||||||||||||
|
