lupa

Bermeon euskaraz

egitasmoak

Geurien be bai

Zer da Geurien be bai?

Geurien be bai, Bermeoko Udalaren Euskara Sailak 2004. urtean martxan jarritako egitasmoa da.

Herrian euskararen erabilera eta presentzia handitzea da helburua, plana erakunde bakoitzaren behar eta ezaugarrietara egokituz, eta euskara erakundeen kulturan eta kudeaketarako sisteman sartuz.

Egitasmoarekin bat egitea erabakitzen duten enpresa eta elkarteek urte beteko hitzarmena sinatzen dute Bermeoko Udalarekin. Hitzarmen horren bitartez enpresek eta elkarteek euskara gehiago erabiltzeko konpromisoa hartzen dute.

Elkarte eta enpresek hartzen dituzten konpromisoak

  • Enpresak eta elkarteak eguneroko funtzionamenduan euskararen erabilera indartzeko bere esku dagoena egingo du.
  • Prozesu horren hasieran helburuak zehaztu ahal izateko, diagnostikoa egingo da eta, lan horretarako, behar den informazioa, dokumentazioa eta laguntza emango dio Bermeoko Udalak.
  • Euskara arduradun bat izendatuko du Bermeoko Udalarekin elkarlanean aritzeko (informazio trukatu, antolatzen diren batzarretan parte hartu….)

Udalak hartzen dituen konpromisoak

  • Proiektua garatu ahal izateko finantziazioa eta bitartekoak udalak jarriko ditu.
  • Elhuyar Aholkularitzako teknikariak enpresa edo elkartearen esku jarriko ditu, behar den laguntza guztia eskaintzeko.

Egitasmoen urratsak

  • Enpresa eta elkarteen hizkuntza egoera aztertzen da
  • Enpresa edo elkarte bakoitzari bere beharretara egokitutako plana diseinatzen zaio
  • Enpresan edo elkartean euskara gehiago erabiltzeko ekintzak aztertu eta martxan jartzen dira
  • Hurrengo urtean, adostutako ekintza horien jarraipena eta ebaluazioa egiten da

Parte-hartzaileak

Guztira, 100 inguru dira planean parte hartzen ari diren erakundeak: herriko enpresak, elkarte profesionalak, sindikatuak, kirol taldeak, kultur taldeak, txokoak, musika elkarteak, ostalariak, merkatariak, turismo-eragileak…

Atalak

gehiago

© 2015 Bermeoko Euskara Saila
Gizarte eta Kultura Etxea.
Irakaskintza 14-16; 2.3 gela
48370 Bermeo (Bizkaia)
Tel.: 94 617 91 22
euskera@bermeo.eus

FacebookYoutube